PAWEL ZIMNOL z Nowych Bojszöw

Urodzil sig 2 kwietnia 1894 roku, wiezien KL Auschwitz, numer obozowy 15091.

Nasi tata byli Zyniaci z Katarzynq Baron. Mieli nos siedmioro: Roza, Antonina, Florian, Boleslaw, Stefan, Pawel - byl najmlodszy i jo.

Jak pamiyntom dzieciynce lata - zyli my w biydzie. Byla nos duzo familijo, a tata niy mieli stalej roboty.

Ino tak dorywezo robili: krzypopki ciepli, robili mietty, koszyki, chytali i sprzedawali ryby. Co sig kaj nadarzylo - robili.

W mlodosci chycili sie za te powstania.

Dziadek Walek jim godali: "Pawel, niy wrozej sig do polityki, bo to bydziesz musiol kiedys lodpokutowac..."

Nale nasi tata niy postuchali...

Postrzylali se trocha w tych powstaniach i co z tego mieli? Nic niy mieli! Ani roboty niy poradali se zalatwic.

Przyszla wojna, wloz Hitler i piyrwsze co zrobil, to powstancöw zawart. Ale nasi tata sig jakis czos lobstoli...

Krötki czos, bo w maju 1940 roku - pamiyntom dobrze, bo my sadzili akurat ziymioki - poczciorz prziniöst pismo, ze sie tata majom stawid do Pszczyny na policjom.

A na tym pismie tez stolo, zeby se ja niy zapomnieli przeblyczki - znaczy sie bielizny.

"Acha!" - pomysleli se tata - "taki jo gupi niy jest, za jakigo wy mie mocie..."

Niy zameldowali sie.

Udali sie na Chropan za Wisla i tam sie ukryli u swego kolegi, Wladka.

No, ale czy sie to idzie ukrywad dugo?

Jese trzeha, spad kajs trzeha...

Tam jich wios zdradzil. Podoba za 50 marek i tak sie tata dostali do heresztu w Myslowicach.

Strasnie jich tam bili.

Mama mogla jich tam lodwiydzac roz na miesiac.

Do mydla wgniatali zawdy trocha marek, zeby se tata mogli co kupic abo komu co podarzyc na lepsze.

A do doma przywozili lachy do pranio.

Te lachy byly strasznie zakrwawione i bez toz my wiedzieli, ze tam taty katujom...

Pol roku byli w tych Myslowicach.

Lod jednych ludzi my sie dowiedzieli, ze jich do Auschwitz.

Co tam kaj robili, jak cierpieli - niy wiym.

Wiym ino, ze prziszel do nos zandar Kaptur.

To byl Slazok z Bytomia.

Dobry czlek...

Niy idzie pedziec...

A nasz Pawelek - mój brat - miol wiynczos moze styry-piyńć lot.

Toz sie zawdy - kiedy ino tyn zandar przichodzil za plotym i glosno wolol:

"A taty nom puscie... Taty z lagru nom wypuscie..."

Kaptur radzil mamie, zeby dziecko oduczyc takigo wolanio, bo jemu za tako godka polsko grozi kara.

Ale nasz Pawelek tak sie domogal tego taty, ze wolol jeszcze glosnij.

Furt powiydali w tym lagrze - 15 kwietnia 1942 roku.

Jak - niy wiymy.

Jo wiynczos robila we fabryce w Bieruniu.

Przyszel do mie taki jedyn istny z Nowego Bierunia i spytol, czy ktos z rodziny jest w Auschwitz.

"A coz sie mie tak pytocie?" - pytalach go.

"No, bo w tamtym tydniu jakis Zimnol z Bojszow ciepnol sie w lagrze na druty..."

No, toz ino tela wiym lo smierci Ojca.

---

Opowiedziala Marta Zimnol (po mezu Spyra)
Zebral i opracowal Alojzy Lysko